منهجية التاريخ والحغرافيا

منهجية تاريخ و جغرافيا
بش نعطيكم طريقة نخدم بيها ديما نجيب بيها نوتات باهية :
اولا في المقال :
مقدمة :
تمهيد صغير خاص و بعد تنزل الموضوع حاول تبدل كلامو و اعرف كيفاه تربطو بالتمهيد معناها التمهيد العام لازم عندو علاقة بالموضوع مش حكاية منفصلة و بعد تربطهم و في هذا الاطار برك ، بعد هذا تعمل الاشكالية ، الي هي على الاغلب زوز اشكاليات مش وحدة ،
الجوهر :
تبدا بتمهيد صغير ياسر يمهدلك بش تجاوب على الاشكالية الاولى و بعد في اخر التمهيد الي ميفوتش جملتين تعمل اشكالية صغيرة اخرى (مثال : يشهد البرازيل قفزة اقتصادية اقليمية هامة بفضل قوته الصناعية الضخمة ، ففيما تتمثل هذه الاخيرة؟ )
بعد تحط 1 روماني و تعطي عنوان للاشكالية 1 (م : القوة الصناعية البرازيلية )
هذه كالعادة تبداها بتمهيد صغير ياسر (جملة تكفي) و التمهيد هذا عبارة على ربط بين 1 روماني و 1 عربي بش تخلي خدمتك مربوطة مش صبان معلومات بطريقة مش منظمة )
تحط 1 عربي و تبدا تكتب يكفي انك تعطي احصائية و الا زوز كحجج مش لازم تحفظ كل الارقام بعد ما تكمل تحريرك في 1 عربي تعمل عنصر تخلص الي هو استنتاج صغير (من غير تكرار) و اشكالية اخرى تخليك تبدا في 2 عربي
بعد المرحلة هاذي خدمتك بش تتعاود عبارة على اجابة على الاشكاليتين في شكل عناصر (1 روماني ، 2 روماني) بين كل عناصر و في اولهم عناصر تخلص و تمهيدات صغيرة و برشا اشكالية(حاول تبعد على التكرار) هذا الكل يخلي خدمتك مترابطة و متماسكة و يزيدك ياسر في المنهجية و يعوانك تنضم ورقتك كيما قريت في كراستك بالضبط )
الخاتمة :
عبارة على استنتاج للي كتبتوا الكل في 1 روماني و 2 روماني استنتاج لكن تعطي فيه امثلة صغيرة ياسر (منقصدش ارقام) يعني متعاودش فيه عناوين العناصر و تسكت . بعد تعمل فتح افاق و كيف كيف فتح الافاق لاززمك تربطو بالاستنتاج ، مش تكمل الاستنتاج و تهبط طول تقول فما هي التباينات الاجتماعية و المجالية ف البرازيل . لا تقول مثال : و لان شهد البرازيل قفزة اقتصادية هامة متبلورة في قوته الصناعية الضخمة و الفلاحية المتنامية بيد انه نموذج لسوء التنمية الناتج عن القفزة اذا يصنف البرازيل كاكثر البلدان تباينا سواءا اجتماعيا او مجاليا , ففيما تتمثل هذه التباينات؟ .
------------------------------------------------------------------------------------
: نجيو توا لتحليل ال